2008Argief

 Januarie tot Maart 

April tot Junie

Julie tot September

Oktober tot Desember

2007 – 06 – 24 (Sondag)

...probleme! - iets wat ons almal het maar nooit mag vergelyk nie!

Waarom is dit weer Sondag dat ek die urge kry om te blokkeer (woord vir blogging!)!!! Vir 'n oomblik kyk ek "op" (die foto hierbo, met ons drie K's!), elke keer as ek moedeloos word, afwyk, twyfel, word ek iewers gekonfronteer om op 'n oomblik na hulle te kyk en net gou weer te besef dat my (self opgelegde) probleme klein in vergelyking met hulle eenvoud is. Hier, tussen my voete, op die kombuisvloer, word bed gemaak vir die poppe (hulle babatjies!) dis 'n wêreld van - "hulle stoute kinders", twee stemmetjies wat aanhoudend klets (baba taal - but who cares, hulle verstaan mekaar), elke nou en dan trane - oor die een die ander se koeldrank drink, maar voor ek kan intree is die baklei klaar weer vergete en gaan die speel voort asof vrede nog altyd in hierdie huis was. Net voor ek begin moan oor die stront wat ons dink die wêreld ons toedeel, ruk dié soort prentjies my terug na die werklikheid van dit wat ek wil wees, en nie wat ek nou is nie!

Hoor vandag 'n verhaal van 'n vrou wat met haar man van een provinsie na 'n ander (vreemde) provinsie verhuis en daar aangekom voor 'n probleem staan: Met R250 in hul sak, middel van die maand en die rekeninge van drie maande terug nog nie betaal nie - ......dis 'n PROBLEEM! Bonop is sy ernstig siek (kronies) en haar vier kinders uit haar vorige huwelik het ook saam gekom. Met haar twee nuwe kinders (by haar huidige man) slaap die agt stuks mense op 'n matras in 'n motorhuis van 'n weldoener, al vir twee weke, wat self nie te wel af is nie, môre loop hulle weer die vier kilometer grondpad na die dorps teerpad - hopend dat dié dag die gelukkige dag sal wees dat sy en hy werk gaan kry sodat hulle binnekort hulle eie bly plekkie sal kan bekostig!

Probleme, probleme, probleme: - iets wat ons almal het maar nooit mag vergelyk nie!!

Eintlik wil ek vandag net een vraag vra: "hoe maak 'n mens jou kinders groot sodat hulle self beskermend sal kan funksioneer".............(ons kan tog nie altyd hulle vashou in 'n kokon nie?)?

Dit sou die maklike manier wees om te sorg dat hulle altyd onder jou vlerk bly, ......dan is jy sterk, selfs aggresief as gevaar dreig, - as die jong mannetjies opdaag, mekaar verstoot om te pronk voor die deur van jou "little miss wise ass"-dogter wie se hormone harwaar met haar kop speel, of........as jy by die werk is en 'ta kom klop aan jou deur onder die voorwentsel dat hy verf- of tuinwerk wil doen! ......die gevare is elke dag daar.......maar ek kan nie altyd daar wees nie!!!

Met ander woorde, iewers moet hulle kan klaar kom sonder jou beskerming, sonder jou leiding, sonder jou ondersteuning. Gaan die wêreld saggeaard wees wanneer hy met sy aanslag begin, gaan sy 'n kans hê om gewoond te raak aan die stampe en stote en hoeveel pyn gaan ons saam deur gaan?

As ek terug kyk na al die stront wat ek aangejaag het wonder ek of my worries vandag minder is?, onwillekeurig wil ek  om verskoning vra, laat ek tog net nie daardeur moet gaan nie. Ah....hier kom my Bybel swaaiende vriende aangehardloop, 'n sterk fondasie met "goeie christelike beginsels is die antwoord".......ja vertel dit vir ons dominee wie se dogter op 18 weggeloop het, in Durban opgespoor is onder dwelm verslaafdes en so swanger soos drie impalalelies!

Op die ou end glo ek in een oplossing - jou kinders weerspieël jou huis (weer sorry, ma!), en ek as ouer sal moet saamleef met die sukses of failure van my kinders!

Wees genadig wêreld? Neem jou tyd, maak hulle stadig gewoond aan bloukolle, gee hulle eers hersteltyd voor jy weer trap, en jong rammetjies..........al is ek nie daar nie......sien ek alles!! - (daai klap agter jou oor is nie wind uit die bloute nie!)

Die teenoorgestelde is natuurlik ook waar, en lekker, as jou bloeitjie uittroon bo haar maaitjies, selfstandig terug loop huistoe nadat die laaitjies vodka in die fruitpunch gegooi het, ander haar voorbeeld aanhang, sy self verbande om die wonde draai en diep in jou oë kyk as sy sê: "pappa, more staan ons weer op en veg ons die nuwe dag se struikelblokke!"

Dankie Here, vir die drie K's hier by my, so sorg U dat my voete op die aarde bly!

2007 – 06 – 17 (Sondag)              

...die beste manier om prestasie te laat gebeur, is om dit raak te sien!

Vandag kom die helfte van Suid Afrika eers na 11:00 uit die bed! 50% van die ander helfte sit al in die kerk, 'n paar kampeer iewers tussen die koue berge van Hoedspruit en die ander paar duisend hardloop in Kwa Zulu Natal die "Comrades" (89km marathon - iets dalk vir Jacqueline??). Die jaar is dit die 82ste keer en ek het seker 27 (van die 82) mee gemaak.........wel ten minste in die comfort van my sitkamer bank of soos vanoggend in mamma se nuwe queen size bed lekker knus onder die duvet!!......mmm, eintlik ervaar ons die selfde satisfaksie: ons raak moeg, snak naar ons asems, blaas stoom af so nou en dan en bereik mylpale wat ons nooit gedink ons liggame ooit sal toelaat nie! (My hart bloei vir hulle!!!)

<Die Alpe> My eerste blog sins ons weer terug is uit Nederland. Die kids en Ouma het groot "W E L K O M  T U I S" in die sitkamer opgesit en toe ons half twee die oggend by die huis insluip was K2 die eerste een wat wakker word en sluk ons toe maar swaar aan die "lekker om tuis te wees" trane.

Moet sê, die afgelope paar weke het ek myself nog 'n paar keer gevang waar ek terug dink aan Nederland (en die keer is die drang soveel sterker om weer terug te gaan - wie weet op 'n meer permanente basis dalk?), met die grootste dryf daar agter die misdaad in Suid Afrika! Misdaad is egter nie 'n sterk genoeg woord nie, somehow in Suid Afrika klink die woord "misdaad" so afgewater soos Minister Frazer-Moleketi se verskoning van die min geld in die staatskas vir die staatsdienswerkers se verhoging.

Woorde soos dood, verkrag, roof is iets sterker maar steeds so in algemene gebruik dat dit ook nie meer die impak soos 'n goeie realiteits tv program in Holland, maak nie. (Net voor ons weg is uit Holland was daar selfs op internasionale televisie 'n uitkraai oor die realiteits tv program waar die publiek per sms moet stem wie die vrou se organe gaan kry wanneer se dood gaan!!).

As ek hier lees van die wrede gurgle klanke wat twee blokke verder gehoor kon word in die laaste paar oomblike van die vrou se lewe nadat sy onverwags die huisbrekkers in haar gang in die middel van die nag betrap het, haar kinders se bloed gespat teen die mure van die badkamerkas waar hulle weggekruip het voordat die kortsafstand skoot hulle koelbloedig ontneem het van die roomys by die beplande verjaarsdagpartytjie die volgende dag, en die tjank geluide van 'n waghond wat drie ure in die oggend met pyn en lyding stadig van binne af opgevreet word na die blokkie gif wat hy gevoer was, het ek dalk meer simpatie as ek noem dat ek immigrasie oorweeg??? In Suid Afrika is dit moontlik (net soos in enige ander land) maar hier - soveel nader as in lande waar die morele standaarde vlakke, hoër is, en iemand wat dood gaan 'n persoon was, en nie net nog 'n statistiek nie!

Gaan ons verhuis??? Hel nee, maar die gedagte daaraan word steeds sterker!!

Gister klap die Bokke die Aussies in Kaapstad en in die jaar van wereldbeker rugby begin ons goed met twee Suid Afrikaanse spanne in die Super 14 Finaal, en die eerste drienasie wedstryd = Suid Afrika 1, Australieë 0!!!! Een ding uit die wedstryd (en ek glo die deurslaggewende faktor wat later vanjaar in Frankryk in gedagte gehou moet word) is dat as jou opponente nie die bal het nie, kan hulle nie punte aanteken nie!! Die eerste helfte van die eerste helfte het die Springbokke die heeltyd die bal beheer (nie weggeskop nie) en Australieë kon nie anders as verdedig nie. Maar toe sak ons moed, Gregan se manne neem beheer oor en teen halftyd lyk dit of ons maar ons biere kan sluk en nie Sondag die Rapport koop om verder die hartseer in te vryf nie (ek wonder soms of die redakteur besef watter morele impak die voorblad op die gemoedere van die land het Sondag oggend net voor brunch!). Om Maandag werk toe te gaan met 'n span wat oor die naweek verloor het (ingevryf deur die voorblad van die Rapport) het 'n negatiewe impak op die ekonomie en algemene atmosfeer van die land.

Elkgeval, Jake het in die kleedkamer die lat behoorlik uitgehaal, 'n paar lasterlike tongsplitsende woorde geuiter, dreigemente oor sy besoek aan Thabu en die rasse kwota, en 'n lang relaas oor die blommetjies en bytjies en wie in beheer moet wees van rugby in Suid Afrika, want toe die span opdraf vir die tweede helfte het dit nie lank geduur voor hulle weer die oorhand gekry het nie. Die regte keuse van impak spelers het ook bygedra tot die laaste spyker in die kis van die wallabies, vat so!!! (ok homeground advantage het ook gehelp!!)

Ons eerste braai oppiestoep was salig!! En die week daarna doen ons krokette!! Ons het beloof om gesonder te lewe, 'n mens slaap net lekkerder as jy nie so swaar eet in die aand nie. Ek blêr al amper soos 'n bok want die laaste drie dae eet ons nog net slaai, slaai slaai!!! Gelukkig mag ek dit nog afsluk met 'n Bavariatjie of lekker Chardonnay'tjie!

Dit het 'n hele dag of twee geneem toe's ons weer terug in roetine van werk, kinders, slaap, eet, werk ens! Aan die begin van 2007 was ek heel positief oor die jaar en halfpad deur kyk ek terug en voel gelukkig oor die eerste deel! Deel 2 kan ook net beter wees, -  jammer vir die wat beweer die land is in sy moer! Ek is oortuig daarvan dat in die volgende paar jaar net voorspoed vir die land voorlê..........ek twyfel net of hierdie wit gesinnetjie ook gaan deel in dit???? Hoor die doem profete nou: "dis wat jy daarvan maak!!" (yeah right met spelers in die span wat as gevolg van kleur in plaas van ability gekies word!).

Op 'n meer positiewe noot kom ek die week af op 'n stelling wat in sy eenvoud tref waar die antwoord dalk lê in enige persoon se dryf na sukses!

         ...die beste manier om prestasie te laat gebeur, is om dit raak te sien!....

So wat is dit wat BLOGGING so lekker maak??? Dis verslawend, die platvorm wat dit skep om te praat sonder die bekommernis van sensuur of dwang (en as jy nie hou van wat ek sê nie - gaan lees die barbie trilogie - vir meer spannende interaksie tussen lang blonde hare, plastiek boobs en hoë hak skoentjies!!), maar nog meer nog - BLOGGING het my terug gebring na LEES, SKRYF en KOMMUNIKEER. Die fondamente van enige bevordering van 'n kultuur, taal of self vrede bevat die elemente van lees, skryf en kommunikeer. Meer mense gaan BLOG in die toekoms as wat daar mense is wat selfone besit!!!

Ek doen dit..........vir myself, want ek geniet skryf, dink, lees, redeneer, voorspel, ondersoek, verskil en deel.

(ek sien nou hieronder my laaste inskrywing was oor Pink Pop in Holland, wel Innibos lê om die draai en ek is besig met 'n nuwe projek - gaan kyk gerus by innibos.fm

Tot Later.....R

2007 – 05 – 29 (Dinsdag)              

Die week in die nuus: PinkPop is die naweek hier! Die musiekfees bestaan al 38 jaar en is die oudste musiekfees in Europa.

Soos elke jaar is die reën, wind en modder, heelwat drugs, drank en rock & roll daar, maar die 62000 mense wat dit die jaar bywoon het geen las van die elemente nie. Wêreld bekende kunstenaars het al hier opgetree en die jaar is die Smahing Pumpkins die hoof attraksie. Ek sien dat op een plek waar die buite toilette op geslaan was is daar ook 'n plekkie waar mans kan water afslaan! Gewoonlik word 'n drom wat water opgegaar word 'n reservoir genoem - dus die heel gepaste naam van PIServoir het duidelik aangedui waar die manne heen kan gaan!

Enrique Iglesias is in die dorp - sonder Anna Kornikova. Weer leer ek 'n paar interessante feite soos dat hy 'n lys van vereistes het as jy hom wil interview: Net van die linkerkant mag die kamera hom afneem, geen vrae oor sy pa nie, en dat die verhouding van vyf jaar op die rotse met sy tennis spelende godin is. Julio Iglisias, sy pa is met 'n Nederlandse vrou getroud!!!

Die eerste sms (taal) prys word hier aangebied. Die wenner Nikki Allers (15) wen 'n Goue Duim Trofee met die sin:

b&iw! srry dak 2L8 b&: b& mt mn nwe gbrde trui Rgns 8ter blyvn Hkn: mst ds 1st nr Oma, om 'm te ltn mkn!

Dit beteken: Ben ik weer! Sorry dat ik laat (to late) ben: ben met mijn niewe gebreide trui ergens achter blijven haken. Moest dus eerst naar Oma, om hem te laten maken!

(Seker nie nodig om te vertaal in Afrikaans nie?)

Ek begin ook dadelik paragrawe skip as dit begin: Het jy geweet! Maar die een het my aandag getrek (miskien joune ook?):

Het jy geweet:

• Volgens die wet in Bahrain mag 'n manlike ginekeloog nie direk na 'n vrou se genitalieë kyk as hy haar ondersoek nie - dus word dit gedoen deur middel van die refleksie in 'n spieël !!!

• In Hong Kong mag 'n vrou wat deur haar man bedrieg is hom doodmaak......met die hand. Sy mag nie haar owerspelerige man met 'n wapen om die lewe bring nie, maar die vrou met wie hy owerspel gepleeg het mag sy op enige manier aanval. (Regverdigheid????)

• In Liverpool is dit wettiglik korrek as vrouens bo-stukloos werk.........net in winkels waar tropiese visse verkoop word! (Huh?)

• In Cali, Columbia mag 'n vrou met haar man slegs as sy getroud is seksueele betrekkings hê (so wat's nuut, dis oral so?) maar die eerste keer moet haar ma by wees!!! (ek sidder aan die gedagte, met skoonma daarby!!)

• 'n Orgasme van 'n vark duur tot 30 minute (as ek terug kom in my tweede lewe wil ek ook een wees)

• Net Dolfyne en mense het seks vir die plesier daarvan (nou weet ek waar kom Flipper se smile vandaan).

• 'n Leeu kan tot 50 keer na mekaar paar met die wyfie. (ek wil nogsteeds 'n vark wees, kwaliteit eerder as kwantiteit, ne?)

• Die oog van 'n volstruis is groter as sy brein. (ek ken ook so 'n paar mense met die euwel!)

• Seesterre het geen brein! (ken ook so 'n paar mense!)

• Die meeste kokosneute in die wêreld word in...........Ysland geproduseer!

Dit kom uit 'n nuwe boek wat onlangs in Belgieë bekendgestel is.

Hy, sien jou weer in Suid Afrika, ons vlieg weer vroeg Woensdag terug, om en by 11 ure en dan nog per motor vier ure na die Laeveld (hoop ek is nog betyds om die laaste deel van Roelf se show te vang!!)

Doeie!

R

2007 – 05 – 28 (Maandag)             

Nou is die laaste paar dae insig en ons besig om oral koebaai te sê. In Hoevelaken gou weer gedraai en lekker Loempias ('n oversized springroll) geeët. Ek sien toe dat Nachtegaal Laan Nommer 1 weer te koop is en wonder of daar nie dalk mense in Bruinslaan sal belangstel nie (sorry as jy nie verstaan nie maar dis 'n private joke).

Lekker spaghetti en eiervrug met mascaponé kaas geeët met 'n biertjie of twee.

2007 – 05 – 27 (Sondag)                

Die eindlike rede waarom ons na Nederland gekom het is om die familiefees by te woon. Een maal 'n jaar vind die familie fees  iewers in Nederland plaas(elke keer deur iemand anders gereel), en die jaar in Groningen dus. Ons het van oral in Nederland bymekaar gekom met 30 stuks in 'die restaurant Hammingh in die provinsie Groningen net buite die dorp. Daar het ons op 'n bus geklim, nie somaar enige bus nie, nee dit was die amptelike bus van die FC Groningen (dis so goed soos die Blou Bulle se amptelike toerbus!), die sokkerspan van Groningen. Oral waar ons deur die strate van al die kleiner dorpies gery het, het pa's hulle seuns gegryp, gou na buite gehardloop en gewaai na die insittendes (agter donker ruite), hierdie keer dus nie die spelers nie maar tog prettig. Nice om 'n paar seuntjies se hartjies te kon bly maak met 'n handtekening van die amptelike busbestuurder van die sokkerklub. Die toergids het ons die hele geskiedenis van die provinsie vertel en die stukkies wat ek kon verstaan of wat iemand aan ons uitgelê het was woes interessant! Hier volg maar 'n weergawe van wat ek daarvan kon verstaan:

Eendag lank lank gelede................... was daar mense wat in die mees noordelike provinsie Drenthe gewoon het. Die mense was gewoonlik boere of arbeiders. Daar was altyd dwarstrekkers of mense wat nie met die inwoners oor die weg kon kom nie en het verder noord getrek om hul eie provinsie te stig. So het die provinsie Groningen ontstaan (hulle wil dit nie erken nie maar Groningers is eintlik oud Drenthers). Laat my dink aan die boere wat uit die Kaap destyds getrek het om weg te kom van die Engelse om hulle eie staat te vestig hoër op in Suid Afrika.

Die ryker boere het om hul status aan tewys in huise gewoon wat van die paaie af sigbaar was en dit gebou in die vorm wat vandag bekend staan as kop-nek-romp! Die kop gedeelte was die huis gedeelte, die nek gedeelte was die kombuis wat in die middel was en die romp gedeelte was die skuur of pakhuis, alles aanmekaar gebou. Die romp gedeelte was gewoonlik twee of as die boer een van die rykstes was het dit drie nokke gehad!  So hoe ryker hoe meer nokke! Ook interessant om te sien hoe daar aan elke kant van die huis 'n deur ingebou was (selfs al was daar geen ingangspaadjie na die huis nie).Ons het een van die herehuise besoek (na 'n lang wandel), hier bekend as Borge en lekker koppie koffie gedrink en koek geeët in die meer wel af boere se huis. Jy kon duidelik sien hoe die huise van die ryk eienaar aan die eenkant van die huis gebou word en die arbeiders se huise aan die ander kant van die weg gebou was.

Dan was daar weer 'n groep wat nie happy by die Groningers was nie en die het afgestam en noordwes getrek en Friesland gevestig. Dus, sonder dat hulle dit wil erken was die Groningers oud Drenthers, en is die Frieslanders oud Groningers! Vandag praat hulle hul eie tale in elke streek (eintlik is dit net 'n anderse dialek van Nederlands behalwe in Friesland, ek verstaan ook nie wat hulle sê as hulle Fries praat nie). Provinsialisme is nog erger as die Noord Suid provinsialisme in suid Afrika.

Waarom is dit belangrik vir my???? Wel my pa is 'n afstammeling uit Friesland en het ek weer op 'n oomblik tydens die trip 'n bietjie nostalgie beleef en half die "wortels onder my voete" gevoel gehad!

Ons het 'n ou kerk van 14....iets besoek waar die koster op die gerestoureerde orrel gespeel het en daar besef daar was nog 'n musikant voor Bach wat eintlik die goeie musikant was en nie Bach nie! Die musiek van Bach klink dus nie goed op die orrel nie maar die een voor hom klink wel beter.........en vandaar het al die volgende musikante eintlik copy cats van die vorige was........tot vandag toe, dat 'n mens eintlik by enige musikant 'n draadjie kan trek waar hy eintlik 'n tipe copy cat van 'n vorige is. Yeah right!!

Ek het vroeër die week deur die mees suid westelike punt na Antwerpen in Belgieë gegaan en vandag was ons in die mees noord oostelike hoek van Nederland. Op 'n gegewe oomblik het ons op 'n dyk ('n wal wat gebou was om die see terug te hou nadat nog meer land geannekseer word deur die see terug te druk) gestaan waar jy aan die eenkant terug kyk na Nederland in die suide en aan die noorde kant kyk na die volgende stuk grond wat voorberei word en waar die see nog verder terug gestoot word. Die boot wat hier staan is in 'n kanaal wat gebou word om die water terug tevoer en die gebied aan die noordekant is as heritage site geproklameer wat beteken dat iemand het uiteindelik besef dat jy net sovér kan gaan om die see terug te druk voor jy moeilikheid begin soek. So is die vrees tans dat as daar net 'n klein woeste stormpie uitbreek (iets soos 'n mini tsunami) die hele streek wat tans onder seespieël is dalk onder water mag kom.Op 'n minder bewolkte dag sal 'n mens nog die see van die dyk af kan sien. (Terloops see golwe is eintlik kabbeltjies, nie die twee tot drie meter golwe wat ons van Durban of Kaapstad ken nie).

Ook 'n interessante besoek gehad aan 'n seehond (robbe) rehabilitasie sentrum in die dorpie Pieter Buren. Hie leer ek dat die soute haring wat ons so lekker afgesluk het in Amsterdam ook "honde" kos is, OK, eindlik "seehonde" kos.  Die video vertel dat omdat Nederland die laaste land is voor die riviere in die see uitstort is hulle ook die ontvanger van al die gemors wat in riviere gedump word hoër op in Europa. Die gevolg hiervan is visse wat gifstowwe in neem en robbe wat bedreig word as gevolg van die giftige vis. Die water en habitat van die rob word ook meer en meer bedreig deur die bote, seilbote en die menslike bedrywighede. Kyk om die rob se nek, dit is wat visnette wat net in die water gelos word doen aan die diere. Hier is vele ander wat gerehabiliteer word en pogings om hulle weer terug te plaas in hul natuurlike omgewing word al hoe moeiliker. Die hoop omkring in geel is nette, bande en ander stront wat hulle al uit die see bymekaar gemaak het!

Die aand word ons getrakteer op original musiek van Groninge die lekkerste kos en natuurlik topklas bier!!

Vanuit die venster kyk ons af op 'n kanaal met brug wat oop gaan as daar 'n boot verby kom.

Ek het nog gespeach en vergeet om TANNIE Roos te bedank vir die gr8 familiedag! dus doen ek dit maar hier!

2007 – 05 – 26 (Saterdag)             

Het eers later die aand gehoor dat die bokke die rose verniel het!!! Well-done boytjies! Kon helaas nie die game kyk nie maar die telling is soet genoeg! Amsterdam dag het aangebreek. Ons het alles laat uithang en lekker van Holland geniet. Dit begin by Amsterdam, deur verskillende pleine geloop, winkels in en uit, zoute haring, roomys, bier en hope mense! Alle soorte het hier verby geloop, ek het geluister of ek enige Afrikaans hoor maar alles behalwe. Op die trem het daar mense twee sitplekke voor ons gesit en toe ek die woord "BAIE" hoor was dit my cue om oor te stap en te vra: "haai, weet julle waar kan 'n mens die game in 'n pub in Amsterdam kyk?". "Nee", "wat bedoel julle nee"?

Was tempted om by 'n paar coffee shops in te gaan (groen twak winkeltjies - het niks met coffee te doen nie), en die liggies van "die walletjies" was nie op ons roete die keer nie. Later die aand tuis het ons ons eie bier proe aand gereël. Eers 'n paar krokette met patat en mayo geeët en die kaas nader getrek vir 'n "kaas & ...........bieraand"!

Dis 'n eerste vir my om 'n Rosé biertjie te proe - dit proe soos rooi koeldrank gemeng met ligte bier - nooit weer dankie!!! Al die bier was eintlik lekker (het na die vierde een smaak 'n mis gegee en gekonsentreer op die alchohol inhoud). Die bier proe was 'n hele bier elke keer in plaas van 'n "slokkie"! Daarna kom die hartverstrengende woorde: "kom ons gaan kyk 'n live band in die dorp!", ja daai gedeelte was nog aanvaarbaar maar die tweede gedeelte het my gefloor: "OP DE FIETS!!!", "wat bedoel je?", "dis dan 10 voor 10 in die nag?", "ja so?, ons kan nie na al die bier in die kar gaan nie!", "ja jij heeft gelijk, vooruit dan maar!".

So is ons vierstuks op die fiets na die pub (veertien blokke verder), ek met my "lyf" op Jochem se fiets (moes hard fokus). Die band was Nickel & Dimes en kan die ouens rock & roll. Hulle doen covers die hele aand deur, gooi 'n paar lekker bekende Nederlandse liedjies in en toe ek my oë uitvee is die lang hand op 6 en die korte op 1! Die bier proe het voort gegaan (al was dit een soort heeltyd) en somehow moes ek nog harder konsentreer op die pad terug op die fiets! As ek weer in die Laeveld kom gaan ek na die Barnyard op 'n fiets!!!! (vat so manne met Bethlehem sterre!) Het gelukkig nog vroeër die aand 'n interview met die band gehad en dit klink of hulle bitter graag na Suid Afrika wou kom - het later in die volgende set na die interview ook op die stage dankie gesê vir die interview van "RADIO SUID AFRIKA!!" You go boys!

2007 – 05 – 25 (Vrydag)                

Tyd het so vinnig verby gegaan. Vrydag het al aangebreek en daar is nog 'n hele Holland wat ons nog wou deur draf - maar om nie tipies Japanees voor te kom nie het ons maar besluit dat geen planne langer as 'n paar uur vooruit gemaak sou word nie.........behalwe dat ons nog Amsterdam, Groningen en Amersfoort wou besoek (ons vind ook telkens dat die onbeplande "planne" meestal die interesantste uitdraai)! Middag ete was die heerlikste pizza broodjie (gedeel) op die stoep in warmer s 27˚c terwyl ons diep in ons harte seer kry vir die koue laevelders terug by die huis (eish 2˚c - sorry!). So spring ons een van die koudste dae in winter vry!! Barneveld is bekend as die "kippendorp" of te wel hoender dorp: die rede?: Die omgewing is gestrooi van hoenderboerderye, en net soos in Suid Afrika word elke gedeelte van 'n hoender hier ook op een of ander manier genuttig. Die dorp het op 'n stadium besluit om hul naam gestand te doen en 'n kompetisie gehou waar elke besigheid een of ander vorm van hul "naam" moet uitbeeld en so kry jy reg deur die dorp op strategiese plekke beeldjies (eintlik beelde!) van hoenders. Net voor aandete besluit mamma om gou weer na die winkels te gaan (sy sleep my, onwillig, saam) maar weereens ontmoet ons weer interesante mense in 'n pub waar ons 'n paar yskoues gaan drink het. Langs die meisie agter die toonbank lê 'n A4 groote boek met 'n plakker voor op wat sê "Zuid Afrika 2007". Dadelik wou ek weet wat hier aangaan en sy vertel met 'n sprankel in haar oë van hulle trip vroeër die jaar in Januarie na Kaapstad, Port Elizabeth en wag daarvoor...........Nelspruit. Pragtige foto's van die wildtuin, die see en die Knysna bos en ek sien die € (euro) bring 'n mens vér in Suid Afrika. Lekker gesprek met 'n paar gaste wat nader staan (in die kroeg wat ook voorheen in Suid Afrika was) oor Suid Afrika gehad en bietjie heimwee ontwikkel.

Dis weird om in 'n land agter tralies, heinings, toegetrekte gordyne en groot bytende waghonde te woon, te praat oor die misdaad, elke dag in die koerant te lees van gewapende roof, moord en verkragting, geweld en molestering (kinders!), nie eers jou bure ken nie en dan tog as iemand jou vra of jy dit sal ruil vir 'n ander land moet jy.........dink daaroor. Opsies opweeg en besef hoe sterk die drang na jou eie land is, patrioties is 'n woord wat nie oor ons lippe sommer meer kom nie (vanweë al die veranderinge) maar tog.........immigreer? Nee nie nou al nie!!!!

Sjoe maar ons eet lekker by Martin & Jaqueline: vanaand op die tafel: "Het Kippetje In Den Hoed" en as die prentjie dit nie justice doen nie dan sal jy maar eenmaal die reseppie moet probeer want daar was net nie genoeg nie (selfs al was daar meer sou ons nie opgehou eet het nie!!)

"Het Kippetje In Den Hoed" Hoender Pastei (klink net nie lekker genoeg nie!!!)

Ek het nie 'n clue hoe dit so lekker uitgekom het nie maar hier is my weergawe: EET SMAAKLIK!

• 1 pakkie pasteideeg
• 1 pakkie pitlose kersies 350g (pynappel stukkies kan ook by kom of die kersies vervang)
• genoeg gemer & knoffel, sout & pepper (na smaak)
• 400g hoenderfillette (blokkie gesny)
• 50g botter / margarien (en 1 eetlepel om pan uit te smeer)
• 1 teelepel sambal (of enige iets wat bietjie brand soos chilli)
• 1 bekertjie room 200ml
• 2 eetlepels koekmeel
• 50g gerasperde kaas
• 2 eetlepels melk
• oondpan - pastei vorm

Braai die hoenderfillette met knoffel en speserye en kry die pasteideeg gereed soos normaal  - smeer oondpan met botter uit en lê deeg netjies in pan sodat kante bedek word en prik die bodem met 'n vurk (onthou om  koekmeel te strooi) . Voeg mengsel van gebraaide hoender en kersies vulsel met room, rasper 'n laag kaas oor en bedek met deeg. Bak in oond (200˚ ongeveer 30 tot 40 minute) tot goudbruin.

"Bedien met 'n komkommer slaai en goeie wit wyntjie - rooi is seker ook cool maar minder blazé (weet wat dit beteken nie maar klink lekker om te sê, he he he!)". Ons het die aand afgerond met 'n glasie Macadamia liquer.

2007 – 05 – 24 (Donderdag)         

Tonijn eet, Ontmoet SA'ners, nog shopping!

Terloops, ek kan nie wag vir die naweek om aan te breek nie, want die bokke speel teen Engelland (ek het 'n nuwe Bavaria ontdek genaamd: SPRING Bock ontdek) en ons familiefees is in Groningen op Sondag. Dan sien ons weer die hele groep vir 'n interesante dag. Weer opsoek na Suid Afrikaners in Nederland en ontmoet Elize wat al 17 jaar hier woon. Sy werk by Transworld Radio en het lekker vir 'n halfuur Afrikaans met haar gepraat. Later vandag loop ons nog 'n bekende Suid Afrikaner raak: MRS. BALLS!, kyk hoeveel kos dit hier R49.90 vir een botteltjie!! Ek het ook 'n klomp foto's geneem van een van die grootste tuinsentrums in Nederland, INTRATUIN, spesiaal vir Diane! Ons moes eers toestemming by ingang vra of ek mag foto's neem want die opposisie is hier nie welkom nie, veral nie met kamera's nie! Ek is seker drie keer deur mense genader om te vra waar ek vandaan kom en waarom ek die foto's neem! Gaan kyk gerus op ons http://diehandeindietuin.spaces.live.com blog ir al die foto's.

Hierdie is voorwaar 'n besonderse tuinsentrum - dis eintlik 'n warehouse-grote-tuinsentrum met verskillende afdelings en alles wat in en om die huis nodig is kan jy hier kry! En wat sien ek eenkant staan.......? 'n BUITELUG Stort! (kon nie foto neem nie maar het video gemaak en sal tuis Saterdag vir Diane wys!

Pestopasta Met Tonijn en Courgette

• 400g Spaghetti (of ander pasta)
• 1 ui (gepeul en gesnipper)
• 2 courgette (murgpampoentjies)
• 2 eetlepels (olyf) olie
• 1 pak tonijn (tuna) stukke in water (drie blikkies)
• ½ sak pietersielie (30g)
• 6 eetlepes rooi pesto
• 1 beker halfvet room (125ml)

Maak spaghetti soos aangedui op pakkie, kap die ui net soos jy wil, werk heelwat knoffel in, braai in pan, maak sous met room en pesto (sout & peper) aan die kant en wanneer pasta gereed.........meng! Los die pietersielie, maar bedien met lekker komkommer slaai! (belangrike informasie = 660 kalorieë, 28g eierwit, 26g vet en 80g kolhidrate)

Lekker wit wyntjie rond dit altyd goed af!!!

2007 – 05 – 23 (Woensdag)          

Shopping, Winkelen, Inkopies & Aan't Bier Weer!!!

Mamma was in haar element vandag! Sy het my sovér gekry om selfs tweekeer dorp toe te loop om te shop! Shop vir my is lekker......wel tot by die eerste klerewinkel (in Nederlands kan "klere"winkel ook die geskikte betekenis wees hoe ek daaroor voel). Met ander woorde mamma spandeer ure tussen die rakke en ek sit lekker buite die winkel (verkieslik op 'n terras van 'n restaurantjie en bekyk die wêreld met 'n biertjie in die hand). Terwyl mamma dan winkel op winkel op winkel op winkel deurdraf raak ek al hoe vroliker ('n mens moet lig loop vir al die verskillende bier hier), ek en die waitress kon aan die begin mekaar nie lekker verstaan nie maar aan die einde was ons beste mates - sy't gou gesnap dat ek op 'n mission om soveel moontlik verskillende biertjies te proe, is, en vandaar was dit plain sailing!

Tuis gekom het ons lekker chilli concardé geeët en vroeg innibed geklim - wel mamma het, want ek het tot laat nog op skype en msn gesit. Die tegnologie is wonderlik en seker ook die oorsaak dat ek half 'n gevoel het dat ons gereeld hierkom, dit voel of ek ons familie ses maande laas gesien het en nou gou kom kuier het - eintlik is dit al vier jaar gelede! Martin (my oom) maak die chilli concardé in die oggend en laat dit staan tot vanaand - dan het die geure lekker in getrek en smul ons tesame met 'n botteljie wyn heerlik daaraan!

2007 – 05 – 22 (Dinsdag)              

Emosionele Dag, Radio Barneveld & innibos in Holland!

Het vanoggend met 'n hunkering wakker geword (nie wat jy dink nie!!!), nee ek moes vandag weer soute harring in my lyf kry!

Hoevelaken is 'n klein dorpie baie naby aan die middel van Nederland - Hier het ek weer my "wortels" gaan opsoek! Daar is nog drie stelle familie wat in die dorp woon - my ouma het jare hier gewoon al my ooms en tannies (aan my ma se kant) het hier grootgeword. Ek het verby die huis gery waar my ouers nog gewoon het voor hulle na Suid Afrika ge-emigreer het (ek onthou nog prentjies uit die dae toe ons 6 of 7 jaar oud was en ons ook daar gebly het!) Jare later het ek elke keer 'n punt daarvan gemaak om hier verby te kom wanneer ons na Nederland kom. My Ouma & Oupa (aan my pa se kant) woon ook al 25 jaar in die dorp. Ek raak iets emosioneel as ek hier ingaan en veral as ek stories  uit die verlede hoor.Omdat hulle uit Friesland kom praat ons van Pakke & Beppe (Fries vir Ouma & Oupa), terloops ma & pa is Heit & Mem. Die gesondheid lyk nog goed (bietjie moeiliker soos die jare aanstap) maar vir 'n 92 jarige Oupa en bietjie jonger Ouma (89) wat nog alleen woon (nie in tehuis) en heelwat vir hulle self kan nog doen, wil gedoen word. Ek vind dat ouer mense hier meer aktief is en gesonder lyk, en gereeld sien jy nog bejaardes op die fiets na die winkel vir inkopies. My oupa weet nog presies wat aangaan en hou elke dag die tv dop om op hoogte te bly van alles, selfs ons (hy weet presies hoelaat ons geland het (paar minute vroeër as verwag)) en weet lankal reeds hoelaat ons op Schipol moet wees om die vlietuig betyds te haal.Hier het ons nog 'n paar vissies ingeryg!!! Lekkerrrrrrr!

Ek het later nog kontak gehad met my nig in Italië en vir 'n oomblik of twee DIEP geraak oor die familiebande ens.

Die beste manier van 'n land beleef is nie soos die Japaners in 'n bus nie maar om by mense te woon (nie Hotelkamers nie) en saam te gaan na die winkels, skole en sportbyeenkomste. So beleef ons ook Nederland en het 'n lekker trip mee gemaak op 'n skool uitstappie. Een maal 'n jaar word die kinders uitgeneem op 'n uitstappie en die jaar was dit na 'n nabygeleë bos waar die tema half 'n survival kleurtjie aan geneem het. Dit onderwysers en ouers wat gehelp het, het die storie vertel van dwergies in die bos en die kinders kon self hutte bou en kos maak. Hier sit Jochem en Hugo in hulle huisie.

Ten einde was die dag nog lank nie verby nie en kon ek na Radio Barneveld se ateljees gaan om 19:00. Het lekker lank gesels oor Radio in Nederland en ooreenkomste met Suid Afrika, met die Programbestuurder en kon ook 'n interview doen met 'n "Amerikaanse" Country sangeres, Vivian Searcy. Lekker laat tuis en nog gou "Jensen" op tv gekyk en daarna soos 'n os geslaap!!!

2007 – 05 – 21 (Maandag)            

Big Mac indeks, Wit Sjokolade in België, Bier & Waffels, Hou Links!

Onthou in Nederland ry almal aan die teenoorgestelde kant as in Suid Afrika en is die vinnige baan dus die linkerbaan van die snelweg – ook goed om te onthou dat voetgangers eerste voorrang het en dat fietsryers daarna voorrang het – voertuie moet altyd geduld aan die dag lê wanneer twee fietse "wettiglik" langsmekaar in die ryvlak ry en sovér moontlik om hulle draai wanneer jy wil verby gaan. Somehow dink ek nie 'n taxi bestuurder in SA gaan dit hier maak nie!!

Vandag het ons besluit om ‘n twee uur tog te neem, die grens oor na Antwerpen –België. Net voor ons die grens oorsteek stop ons gou by Burger king en eet een van die lekkerste hamburgers sins…….’n big mity by twinz!!

Ek sal tuis nog net een maal kyk of ons die lekkerste hamburgers maak in Witrivier by Twinz en of Burger King Tops is! Jammer, maar Mc Donalds sukkel in die derde plek vér agter!!

Ek het in Antwerpen my verstom aan die ou kerk geboue, in die pleintjies ‘n paar belgiese biere gedrink en bekende belgiese sjokolade gekoop. Die dorp het my verbaas en lyk heeltemal anders as wat ek my voorgestel het – dit is ‘n gewone besige stad met heelwat riviere en bote, nou en dan ry jy op ‘n pad wat onder die rivier deur gaan deur middel van ‘n tonnel en dan natuurlik die ryk geskiedenis van die ou katedralle en geboue in die hartjie van die stad – heelwat van die ou geboue word gerestoreer en in hotelle of appartments omskep.

'n "Vriendelike" jong dame het ons verwys na die beste sjokolade winkel in België en ons het na hartelus 'n lekker verskeidenheid gekoop. Die wêreld se beste se sjokolade teen R40 vir (250gr)vind ek was 'n bargain. In die hoek van die kas sien ons toe die sjokolade wat bleikbaar heel gewild is want dit was heeltemal uitverkoop! Wonder waarom???

Ons het by ‘n klein kafeetjie gesit en die man daar het vir ons die heerlikste waffles met roomys en slagroom gemaak – ek het die kiwi fruit probeer maar die kersie en aardbeie vulsel was lekkerder – die stroop het so gedrup as jy weglê in die sappige stukkie waffelglorie van Belgieë.    

Die meeste mense  het van die werk af gekom – daar was ‘n paar toerbusse met duitsers en japaners! ‘n Japanees is die snaakste toeris ter wereld. Hulle is ook die enigste nasie wat die hele Europa in ‘n toerbus binne twee dae kan deur draf, ‘n paar uur nodig vir die walletjies in Amsterdam, kastele in Scotland en sommer "chop chop" deur Switzerland se berge – jy moet die prentjie sien:

Die bus stop, uitpeul ‘n string Japanese, in ‘n ry skarrel hulle na die standbeeld of katedraal – die cameras flits, ‘n paar "Chinese" woorde tussen deur en dan in enkel gelid terug na die bus om die volgende attraksie nog voor lunch nog te kan maak!

 Ek hoor in belgië is frite ‘n definitiewe moet – dis nou in ons taal slaptjips maar top kwaliteit in die varste olie gebak met die lekkerste moyonaise agtige sousie daarby – my mond water alweer maar dit sal maar moet wag tot ek weer terug gaan volgende keer om dit te gaan proe!

Terwyl ons deur Holland toer luister ek graag Nederlandse radio en kyk ook graag televisie – ek vind dat Nederland vér voorloop as dit kom by kreatiewe nuwe idees vir realiteits televisie – dink maar aan Big Brother en by voorbeeld die program waar chefs moet kwalifiseer deur sekere disse op te tower om in die nuwe hotel van een of ander miljoener te kan werk. Nou onlangs was daar nog so ‘n span in Kaapstad waar die leerling chefs vis moes voorberei vir ‘n maaltyd vir die hoof beoordeelaar. 

Wat radio betref luister ek na radio 538 en dit is besonder interresant hoe hulle hul musiek varieër. Daar is ten minste elke halfuur ‘n goue oue uit die 80’s afgewissel met die nuuste top 20 liedjie en dan ondersteun hulle ook graag alle Nederlandse groepe en kunstenaars.

Die BIG Mac! indeks:

Brood(Bruin) - R10.09

Melk (1Lt)- R8

Koffie (Filter)- R49.00

Tandepasta  - R15.90

Wyn(R23 in SA) - R90

Bier(Amstel)  - R45.00 (vir drie in pub)

Coca Cola - R8

Minerale Water (500ml stil) - R12

Houtskool - R29.80

Pizza (wegneem) - R70 - 80

Hamburger Combo - R42

Petrol - R14.40 P/L

Diesel  - R10.75 P/L

 1400 Renault Clio - R200 000

Top 40 cd - R150

mp3 speler - R400

kaartjies na fliek  - R75

 Wees maar tevrede met 14% belasting in suid Afrika, hier betaal ons 19% belasting, huur ‘n normale twee slaapkamer huis teen ongeveer R10 000 per maand en die minimum lone betaalbaar in administratiewe of verteenwoordiginde werk is ongeveer R15 000 per maand.

2007 – 05 – 20 (Sondag)               

Andyvie, Sokker & Hockey, SA'ners Weg?

Vandag was rustig, ons het lekker gaan wandel (die dorp verken) almal het 'n sokker game gekyk op TV en niemand was op straat nie - dis veel stiller as wanneer daar 'n rugby game aan die gang is in Suid Afrika! Weird om deur die strate te loop en jy kan van die straat af tot in die mense se sitkamer sien (amper sy aandete uit sy bord kyk). Hier is geen tralliewerk nie (elkgeval nie soos by ons nie), mense ry op fietse en groet vriendelik verby, kinders kan gelaat word om in die parkie bal te speel ens. Die koffie is STERK en die tuine klein (my soort tuin - Diane!). Ek sal Saterdag op "Die Hande In Die Tuin" blog foto's plaas en vertel van die blomme wat ons hier sien.

 In die middag het ons hockey gaan kyk en heerlike Andyvie (stamp) geeët. Andyvie is 'n tipe slaai blaar maar laat my meer dink aan spinasie, gemeng met stukkies spek, mash en blokkies kaas! Liplekker!Ons sal kyk hoeveel resepte ons hier kan kry sodat jy dit ook kan probeer. (spot the mistake??)

HIER IS DIE RESEP! JY BEGIN MET:...........knyp twee balle vas tussen jou bene.......met jou hande en knieë op die stene....!

1. Kry Andyvie (as jy kan in Suid Afrika) anders sal Spinasie ook werk! Twee sakke, kook een tot gaar enhou die ander sak tot later.

2. Maak mash met patato's!

3. Braai blokkies spek

4. Wanneer mash gereed is gooi andyvie by en meng, gooi ook spek by.

5. Terwyl simmer, meng bietjie vir bietjie die tweede sak by sodat jy 'n mengsel van sagte gaar andyvie en meer krisp/vars andyvie in die pot het.

6. Sny vierkant blokkies (cubes) gouda, cheddar of mengsel daarvan en gooi by net voor bedien sodat dit ietwat kan smelt in die hitte!

7. Sit voor in die ry anders kry jy niks!!!

O ja, lekker botteltjie Chardonnay help ook natuurlik!

Terloops ons plaaslike Barneveld mans hockeyspan het gewen 7-5 en natuurlik 'n paar biertjies om die fees te vier daarna gehad. Hey, ek was vanoggend woes naby my merk op die skaal - sal aanhou!

Ons beplan 'n trip na Belgieë môre (hoop nie die ambassade lees hier nie - ek het net enkel entry visum) sal maar sien! Gaan ook later die week na 'n dorpie genaamd Hoevelaken (familie dag sê)!

Ek soek hard na 'n paar Suid Afrikaners hier - maar het nog net een meisie gevind by die hockey wat die goalie was. Sy het 'n Springbok trui gedra terwyl sy gespeel het, maar het dit verlede jaar gekoop toe hulle in Suid Afrika was. As jy weet van iemand - gou my in die hande kry by robin@radiolaeveld.co.za

Groetjes, tot later!

Doeie.

2007 – 05 - 19 (Saterdag)             

Saterdag was die plan om hockey te gaan kyk! Die Bulle speel ook nog vandag en ons gaan later dit van die internet stream sodat ons ook kan weet!!! Rugby is nie groot hier nie, in fact: Rugby? (vraagteken) is al wat jy kry as jy noem van die sport met die “rare ei-vormige bal”!

Dit was ongeveer 9:00pm en steeds lig buite tydens die game!! 

Jochem se span het gewen 8-3 maar die span van Amber het verloor, jammer!! Ek geniet die byeenkomste hier en vind dat ouers hier veel meer tyd aan hul kinders spandeer as ons. Die gejaag na wind slaat nergens op!! 

Het gou die kans waargeneem om soute haring en broodjie kroket te doen! Ek is oortuig ons gaan sakke vol geld maak as ons ‘n franchise hiervan in Suid Afrika oopmaak.   

Het vir Norman en Joris (oom en neef wat al op Loftus ‘n game van die Blou Bulle gesien het) genooi om vanaand se game te kom kyk. Lekker gehaktballe geeët en toe die sms’e begin deurkom het ek geweier om die uitslag te kyk want ons moes die internet stroom drie uur later kyk! Spannende einde van die wedstryd maar wat kan ek sê… die BULLE BLY BAAS!!!!

Na die game is ek en Martin terug na die Bluegrass Music Festival om interviews te doen en te luister na die musikante – twee biertjies verder het dit weer TOP uitgedraai!! Die mense kom van oral (Amerika, Skotland, Swede, Switzerland, Tchegiese Republiek ens.) en op elke hoek sit mussos en jam uit verkillende musiek wêrelde – ek wonder wie gaan die meeste van Bluegrass hou, Roelf of Bez (Gert & Andre). Ek self vind dit is veel beter as Blues en Jazz (sal hoor wat hulle sê).

2007 – 05 – 18 (Vrydag)                 

Martin (eindlik OomMartin) kom ons haal, ons bly by hulle in Barneveld en aan die einde van die maand gaan ons na Groningen waar die famliefees die jaar plaasvind. Die rubber hoender se eiers het sy ding gedoen en ons moes halfpad na Barneveld net gou stop vir ‘n naarrig’eitjie maar selfs dit kon nie ‘n demper op ons opgewondenheid plaas nie – LEKKER OM WEER TERUG IN HOLLAND TE WEES!

Van buite  en van binne  tuis. 

Tuis aangekom, reëlings getref (ons eet nazi goreng vanaand, yeah!!!) en gou entjie gaan wandel voor ons vroeg gaan slaap (jetlag van die jetsitters!!!).

   Later besluit ons tog om gou ‘n draai te maak by ‘n musiek fees wat in die dorp plaasvind (teen agt uur is dit nog helder daglig hier – voel soos vyf uur in SA). Dit was heel interesant en ons het die plaaslike radio omroepers van Radio Barneveld en sy seun ontmoet – gaan later terug kom vir interviews!!

2007 – 05 - 17 (Donderdag)           

Dit het lank geduur maar uiteindelik het die dag aangebreek dat ons na Nederland kon vertrek! Net vir die rekord: ek het besluit om tog maar die skaal nader te trek, net om seker te maak dat ek nie te veel kg’s by sit en die lughawe personeel nie nodig het om die boete boekie in te vul nie.

Ek onthou nog vroeër die jaar het ek besluit om die skaal onder 100Kg's te trek, helaas nog nie reggekry nie!

Weird hoe mens se emosies woer-woer met jou kop speel 'n paar uur voor jy groet –> “het ek nie vergeet om…”, en “..wat moes ons nog….”, en “….kan ek nie net gou nog…” ens. 

Ons het sitplek op ry 43 gekry in die middel – dit op sig self is nog nie so erg nie maar agter in die tuig!! As die vliegtuig weg trek sit jy agter en kyk na die mense voor wat in die lug sit en jy voel soos ‘n  stert wat agterna gesleep word, en beknop (mag dalk wees dat ek ‘n paar pondjies aangesit het sins die laaste keer wat ek gevlieg het), maar vir tien ure in dieselfde stoel met jou bene teen die persoon voor jou se rug en ‘n fris vroutjie wat weier om arm spasie te deel op die leaning langs jou, is nie ‘n grap nie! 

Ek is oortuig daarvan dat die Boeing 747 se vorige stop iewers in China was want al die voorprente op die skerm was oor China en aandete…….een raai? – Chop chue, selfs die wyn was in chinees en die eiers vir ontbyd kon net so wel uit ‘n rubber hoender hol gekom het wat gemodifieërde mielies geeët het – uhmm mmm hoe mis ek “spek en eiers” nou (private joke)! 

In die verlede het ek al gesê ek sal op enige plek kan slaap maar die vlug was ‘n nagmerrie, ek het letterlik die ure sien verby tik.... 1uur.....2uur....3uur... – die crappy movies is ouer as op SABC en jy kan net soveel keer Mr. Bean On Holiday (in China nogal) kyk! 

Dit was wel lekker om die sappige waardinne dop te hou terwyl hulle ingeoefende gesiggies die duty free goodies aan die armgat Suid Afrikaners (wat in die euro mark moet meeding)  probeer afsmeer. Dit lyk of die oom voor my weglê in ‘n playboy, hy is nou al in die blou pilletjie ouderdoms groep en ek begin wonder hoe lyk dit daar voor in die vliegtuig…….wag, miskien ‘n Jacuzzi met drie blonde Heineken girls in deurtrekkertjies…..of ‘n kingsize dubbelbed waarop ek uitgestrek kan gaan lê en met die klap van ‘n vinger word aardbeie en room aangedra…..yeah right! 

Daar begin die movie – O great dis Runaway Bride……1944!! 

Ek lees maar gou die Telegraaf (Nederlandse Koerant) om my Nederlands op te knap – ek het lank gelede deur langer as twee paragrawe Hollands gepraat terwyl die vlugkelner (Deon help, wat noem mens hulle nou al weer?) opmerk dat dit lyk vir hom of ek terug vlieg huistoe – nee (beleefd!) ons gaan op vakansie, gebore in Suid Afrika met familie in Nederland en ons woon die jaarlikse familiefees by!!! 

Nou raak dit stiller op die vlug die ligte word ietwat gedoof en een vir een raak meeste (ja meeste….) aan die slap! Ek kry darem ‘n oog toe maar nie vir lank want sodra jy begin visvang kry jy so ‘n stywe spier in jou nek, dan maar wakker bly en probeer die credits aan die einde van ‘n fliek lees!! Jou kop kry genoeg tyd om aan allerhande stront te dink – ek onthou nog jare gelede was die tien uur vlug veel langer. Destyds moes ons om Afrika in plaas van oor Afrika vlieg (as gevolg van oorloë hoër op in Afrika, sanksies teen Suid Afrika en apartheid – ja blameer alles op apartheid!), met ‘n stop op die kanariese eilande vir brandstof. Die vlug was net onder twintig uur lank maar ek was rond elf jaar oud en het my nie veel aan ongemaklike sitplekke gesteur nie.

Gehaktbal, lekker broodje kroket, soute haring en “pattat met...” is van die lekker Nederlandse snacks wat ek moet gaan eet en terwyl ons die Sahara oorsteek dink ek weer onwillekeurig aan al die bier in Holland (sal myself maar moet inhou!!)

 Nou nog net die middelandse see oor dan is ons in Europa! Miskien gou by Burger King inloer voor Martin ons ophaal.

In die vliegtuig.